Fýtboldan áıelder lıgasynda «Aqtóbe» taǵy da iri jeńiske jetti
ASTANA. KAZINFORM - Fýtboldan elimizdiń áıelder lıgasy ekinshi týry máresine jetti.
Búgin, 5 mamyrda V konferentsııasynda komandalar ózara saıysqa tústi. Byltyr el birinshiliginde top jarǵan «Aqtóbe» bıylǵy birinshilikti sátti bastady. Alǵashqy kezdesýde kókshetaýlyq «Oqjetpesti» 20:0 esebimen súrindirgen olar bul joly óz alańynda elordalyq «Astanany» 10:0 esebimen tize búktirdi.
Sondaı-aq búgin bul konferentsııada taǵy tórt oıyn ótkizildi.
5 mamyr
V konferentsııasy
- «Elimaı» (Semeı) - «Tobyl» (Qostanaı) 0:1
- «Qyzyljar» (Petropavl) - «Ertis» (Pavlodar) 1:0
- «Altaı» (Óskemen) - «Shahter» (Qaraǵandy) 0:1
- «Aqtóbe» - «Astana» 10:0
- «Jeńis» (Astana) - «Oqjetpes» (Kókshetaý) 7:1.
Aıta ketsek, keshe, 4 mamyrda A konferentsııasynda 4 oıyn ótkizilgen edi. Ol oıyndarda byltyr úzdik úshtikten kóringen «Turan» syrt alańda jezqazǵandyq «Ulytaýdy» 4:0 esebimen jeńse, ekinshi oryn alǵan shymkenttik BIІK bul týrda kezdesý óktizgen joq.
Oıyndar nátıjesi
4 mamyr
A konferentsııasy
- «Kaspıı» (Aqtaý) - «Qaısar» (Qyzylorda) 0:1
- «Ulytaý» (Jezqazǵan) - «Turan» (Túrkistan) 0:4
- «Qaırat» (Almaty) - «Ordabasy» (Shymkent) 1:2
- «Jetisý» (Taldyqorǵan) - «Atyraý» 0:1.
Bıylǵy maýsym otandyq áıelder fýtboly tarıhyndaǵy eń aýqymdy ári qyzyqty kezeńderdiń biri bolmaq. Chempıonatqa 19 komanda qatysyp, lıga eki konferentsııaǵa bólindi. A konferentsııasynda - 9 komanda, V konferentsııasynda - 10 komanda oınaıdy.
Komandalar eki kezeńdik júıe boıynsha ózara kezdesý ótkizedi. Odan keıin ár konferentsııadan 1 jáne 2 oryn alǵan klýbtar jartylaı fınal men fınalda chempıondyq úshin talasady.
