Fýtboldan áıelder lıgasynda «Aqtóbe» syrt alańda «Qaıratty» jeńdi

ASTANA. KAZINFORM — Búgin fýtboldan áıelder arasyndaǵy Qazaqstan chempıonatynyń HHІІ týry máresine jetti.

Bul týrda bıyl bas júldege qol jetkizýdi qalaıtyn «Aqtóbe» syrt alańda almatylyq «Qaıratpen» kezdesti. Nátıjesinde qarsylasyn 4:0 esebimen tize búktirip, týrnır kestesinde 62 upaımen birinshi orynǵa kóterildi. 

Qazir týrnır kestesinde «Aqtóbemen» birge bas júldeden negizgi úmitker sanalatyn shymkenttik BIІK klýby 13 qyrkúıekte syrt alańda elordalyq «Jeńisti» 10:0 esebimen jeńdi.

Oıyn kestesi:

«Jetisý» (Taldyqorǵan) — «Elimaı» (Semeı) 1:4
«Qaırat» (Almaty) — «Aqtóbe» 0:4
«Oqjetpes» (Kókshetaý) — «Tobyl» (Qostanaı) 0:5
«Atyraý» — «Astana» 1:2
«Qaısar» (Qyzylorda) — «Ulytaý» (Jezqazǵan) 2:1
«Tomırıs-Turan» (Túrkistan) — «Qyzyljar» (Petropavl) 5:0.

Endi aldaǵy týr oıyndary 22 qyrkúıek kúni ótkiziledi.

Federatsııa talabymen erler klýbtarynyń janynan bıyl áıelder quramalary qurylǵan.

Ótken jyly chempıonatqa tek 4 óńirden 5 komanda ǵana tirkelgen edi.

Ár komanda sapynda keminde qazaqstandyq fýtbol mektebiniń 13 túlegi bolýǵa tıis degen talap qoıylyp otyr. Oǵan 2009 jyly jáne odan erte dúnıege kelgen fýtbolshylar qatysa alady.