Fýtboldan áıelder lıgasynda «Aqtóbe» iri jeńiske jetti
ASTANA. KAZINFORM — Búgin fýtboldan áıelder arasyndaǵy Qazaqstan chempıonaty birinshi týrynyń alǵashqy oıyn kúniniń nátıjesi belgili boldy.
Bul kúni ótken jylǵy el chempıony «Aqtóbe» syrt alańda kókshetaýlyq «Oqjetpespen» sheberlik baıqasqan edi. Kezdesý barysynda aqtóbelik fýtbolshylar alań ıeleri qaqpasyna jaýapsyz jıyrma gol soqty. Osylaısha, alǵashqy týrda olar gol soǵý jóninen rekordtyq nátıjeni tirkedi.
Al byltyr kúmis júldeger atanǵan shymkenttik «BIІK» Qyzylordada jergilikti «Qaısardy» tize búktirse, almatylyq «Qaırat» syrt alańda taldyqorǵandyq «Jetisýdy» qapy qaldyrdy.
Oıyn nátıjesi
«Jetisý» (Taldyqorǵan) — «Qaırat» (Almaty) 1:4
«Ordabasy» (Shymkent) — «Ulytaý» (Jezqazǵan) 2:0
«Qaısar» (Qyzylorda) — BIІK (Shymkent) 0:4
«Tomırıs-Turan» (Túrkistan) — «Atyraý» 2:0
«Oqjetpes» (Kókshetaý) — «Aqtóbe» 0:20.
Endi 28 sáýirde jalǵasady. Bul kúnge taǵy tórt oıyn josparlanǵan.
28 sáýir
«Ertis» (Pavlodar) — «Jeńis» (Astana)
«Altaı» (Óskemen) — «Qyzyljar» (Petropavl)
«Tobyl» (Qostanaı) — «Astana»
«Shahter» (Qaraǵandy) — «Elimaı» (Semeı).
Bıyl el birinshiliginde «Aqtóbe», BIІK, «Tomırıs-Turan» klýbtary júldeli oryndarǵa talasady dep kútiledi. Byltyr fýtboldan áıelder lıgasynda «Aqtóbe» tuńǵysh ret chempıon atandy.
