Fýtboldan áıelder lıgasynda «Aqtóbe» «Oqjetpesti» taǵy da iri eseppen jeńdi

ASTANA. KAZINFORM - Búgin fýtboldan áıelder arasyndaǵy Qazaqstan chempıonatynyń jıyrma birinshi týry ótedi.

Kósh basynda kele jatqan «Aqtóbe» atalǵan týrda syrt alańda Kókshetaýdyń «Oqjetpesin» 23:0 esebimen jeńdi. Aqtóbelik fýtbolshylar birinshi kezeńde qarsylas qaqpasyna jaýapsyz on eki gol soqsa, ekinshi kezeńde taǵy on bir gol engizdi.

«Aqtóbe» atalǵan qarsylasyn alǵashqy aınalymda 24:0 esebimen tize búktirgen edi.

Qazir shymkenttik «Aqtóbe», BIІK, «Tomırıs-Turan» komandalary úzdik úshtikte keledi.

Oıyn kestesi:

«Astana» - «Jeńis» (Astana) 4:0

«Qyzyljar» (Petropavl) - «Atyraý» 12:1

«Qaırat» (Almaty) - «Tomırıs-Turan» (Túrkistan) 0:2

«Oqjetpes» (Kókshetaý) - «Aqtóbe» 0:23

«Elimaı» (Semeı) - «Tobyl» (Qostanaı) 1:0

«Ulytaý» (Jezqazǵan) - «Jetisý» (Taldyqorǵan 3:1.

Bul týrda 6 qyrkúıekte ótken oıynda shymkenttik BIІK Qyzylordanyń «Qaısar» komandasynan 5:0 esebimen basym tústi.

Endi aldaǵy týr oıyndary 15 qyrkúıek kúni ótedi.

Federatsııa talabymen erler klýbtarynyń janynan bıyl áıelder quramalary qurylǵan. Ótken jyly chempıonatqa tek 4 óńirden 5 komanda ǵana tirkelgen edi.

Ár komanda sapynda keminde qazaqstandyq fýtbol mektebiniń 13 túlegi bolýǵa tıis degen talap qoıylyp otyr. Oǵan 2009 jyly jáne odan erte dúnıege kelgen fýtbolshylar qatysa alady.

Eske salsaq, budan buryn fýtboldan Áıelder lıgasynda «Aqtóbe» «Turan-Túrkistanmen» teń tústi.