Fýtboldan áıelder lıgasynda «Aqtóbe» men BIІK jeńiske jetti

ASTANA. KAZINFORM — Búgin fýtboldan áıelder arasyndaǵy Qazaqstan chempıonatynyń HHІІІ týry máresine jetti. 

Qazir shymkenttik BIІK, «Aqtóbe», «Tomırıs-Turan» komandalary úzdik úshtikte keledi. Sondyqtan olar búgingi oıynda jeńiske jetýge bar kúshin saldy. Bas júldege talas BIІK pen «Aqtóbe» arasynda júrip jatyr. Bul týrda ekeýi de úsh upaı oljalady.

Nátıjesinde 65 upaımen «Aqtóbe» birinshi orynda tursa, BIІK 64 upaımen ekinshi orynǵa jaıǵasqan. Aldaǵy úsh týrda bıylǵy birinshiliktiń jeńimpazy anyqtalady.

Oıyn nátıjesi:

«Oqjetpes» (Kókshetaý) — «Jetisý» (Taldyqorǵan) 0:7
«Elimaı» (Semeı) — «Qaısar» (Qyzylorda) 1:0
«Ulytaý» (Jezqazǵan) — «Jeńis» (Astana) 2:1
«Astana» — «Tomırıs-Turan» (Túrkistan) 0:2
«Qyzyljar» (Petropavl) — «Qaırat» (Almaty) 2:1
«Aqtóbe» — «Tobyl» (Qostanaı) 11:0
«Elimaı» (Semeı) — «Qaısar» (Qyzylorda) 1:0
BIІK (Shymkent) — «Atyraý» 13:0.

Endi aldaǵy týr oıyndary 29 qyrkúıek kúni ótkiziledi. 

Federatsııa talabymen erler klýbtarynyń janynan bıyl áıelder quramalary qurylǵan. Ótken jyly chempıonatqa tek 4 óńirden 5 komanda ǵana tirkelgen edi.

Eske salsaq, budan buryn «Ulytaý» óz alańynda «Aqtóbeden» basym tústi.