Fýtboldan áıelder lıgasynda «Aqtóbe» men BIІK iri jeńiske jetti
ASTANA. KAZINFORM - Fýtboldan elimizdiń áıelder lıgasynyń tórtinshi týry máresine jetti.
Bıylǵy maýsym otandyq áıelder fýtboly tarıhyndaǵy eń aýqymdy ári qyzyqty kezeńderdiń biri bolmaq. Chempıonatqa 19 komanda qatysyp, lıga eki konferentsııaǵa bólindi.
A konferentsııasynda — 9 komanda, V konferentsııasynda — 10 komanda oınaıdy.
Komandalar eki kezeńdik júıe boıynsha ózara kezdesý ótkizedi. Odan keıin ár konferentsııadan 1 jáne 2 oryn alǵan klýbtar jartylaı fınal men fınalda chempıondyq úshin talasady.
Aldymen 18 mamyrda A konferentsııasynda komandalar ózara saıysqa tústi. Olardyń arasynan BIІK syrt alańda «Jetisý» komandasyn 10:0 esebimen oısyrata jeńdi.
Al V konferentsııasynda «Aqtóbe» klýby «Shahterdi» 11:0 esebimen tize búktirdi.
18 mamyr
A konferentsııasy
«Qaırat» (Almaty) - «Kaspıı» (Aqtaý) 4:0
«Atyraý» - «Qaısar» (Qyzylorda) 0:0
«Jetisý» (Taldyqorǵan) - BIІK (Shymkent) 0:10
«Ordabasy» (Shymkent) - «Tomırıs-Turan» (Túrkistan) 0:2
19 mamyr
V konferentsııasy
«Altaı» (Óskemen) - «Ertis» (Pavlodar) 0:1
«Elimaı» (Semeı) - «Oqjetpes» (Kókshetaý) 9:0
«Qyzyljar» (Petropavl) - «Tobyl» (Qostanaı) 2:0
«Shahter» (Qaraǵandy) - «Aqtóbe» 0:11
«Jeńis» (Astana) - «Astana» 5:1.
Bıyl el birinshiliginde «Aqtóbe», BIІK, «Tomırıs-Turan» klýbtary júldeli oryndarǵa talasady dep kútiledi. Byltyr fýtboldan áıelder lıgasynda «Aqtóbe» tuńǵysh ret chempıon atandy.
