Fýtboldan áıelder lıgasynda «Aqtóbe» qatarynan úshinshi márte iri jeńiske jetti
ASTANA. KAZINFORM - Fýtboldan elimizdiń áıelder lıgasynyń úshinshi týry máresine jetti.
Ekinshi oıyn kúni, 12 mamyrda V konferentsııasyndaǵy komandalar ózara sheberlik baıqasty. Olardyń arasynan «Aqtóbe» taǵy bir márte iri jeńiske jetti. Bul joly olar óz alańynda astanalyq «Jeńis» komandasyn 13:1 esebimen súrindirdi. Osylaısha olar úsh týrda qarsylastar qaqpasyna 43 gol soǵyp, óz qaqpasyna nebári bir gol jiberip aldy.
12 mamyr
V konferentsııasy
«Oqjetpes» (Kókshetaý) - «Qyzyljar» (Petropavl) 0:3
«Ertis» (Pavlodar) - «Shahter» (Qaraǵandy) 1:1
«Aqtóbe» - «Jeńis» (Astana) 13:1
«Tobyl» (Qostanaı) - «Altaı» (Óskemen) 4:0
«Astana» - «Elimaı» (Semeı) 4:0.
Sondaı-aq 11 mamyrda A konferentsııasynda tórt oıyn ótkizildi.
A konferentsııasy
«Kaspıı» (Aqtaý) - «Ulytaý» (Jezqazǵan) 0:0
BIІK (Shymkent) - «Ordabasy» (Shymkent) 13:0
«Tomırıs-Turan» (Túrkistan) - «Jetisý» (Taldyqorǵan) 3:0
«Qaısar» (Qyzylorda) - «Qaırat» (Almaty) 2:1
Bıylǵy maýsym otandyq áıelder fýtboly tarıhyndaǵy eń aýqymdy ári qyzyqty kezeńderdiń biri bolmaq. Chempıonatqa 19 komanda qatysyp, lıga eki konferentsııaǵa bólindi. A konferentsııasynda - 9 komanda, V konferentsııasynda - 10 komanda oınaıdy.
Komandalar eki kezeńdik júıe boıynsha ózara kezdesý ótkizedi. Odan keıin ár konferentsııadan 1 jáne 2 oryn alǵan klýbtar jartylaı fınal men fınalda chempıondyq úshin talasady.
