Fýtboldan áıelder lıgasynda «Aqtóbe» «Atyraýdy» iri eseppen jeńdi
ASTANA. KAZINFORM — Fýtboldan Áıelder lıgasynyń HVІІІ týry máresine jetti.
Bul týrdaǵy bir oıyn aldyn ala ótkizilse, altaýy búgin bolady.
Qazir shymkenttik BIІK, «Aqtóbe», «Tomırıs-Turan» komandalary úzdik úshtikte keledi.
Bıyl aldyna chempıondyq ataqqa qol jetkizýdi maqsat etken «Aqtóbe» atalǵan týrda sátti oıyn ótkizdi. Syrt alańda oınaǵanyna qaramastan «Atyraýdy» 15:0 esebimen tize búktirdi.
Nátıjesinde 52 upaımen Shymkenttiń BIІK komandasymen alǵashqy eki oryndy ózara bólisip tur.
- «Atyraý» — «Aqtóbe» 0:15
- «Jeńis» (Astana) — «Tomırıs-Turan» (Túrkistan) 0:4
- «Elimaı» (Semeı) — «Ulytaý» (Jezqazǵan) 2:0
- «Jetisý» (Taldyqorǵan) — «Qyzyljar» (Petropavl) 0:6
- «Tobyl» (Qostanaı) — «Astana» 0:5
- «Qaısar» (Qyzylorda) — «Qaırat» (Almaty) 1:3
Bul týrdaǵy aldyn ala ótkizilgen oıynda shymkenttiń BIІK (Shymkent) syrt alańda Kókshetaýdyń «Oqjetpesin» 18:0 esebimen jeńdi.
Federatsııa talabymen erler klýbtarynyń janynan bıyl áıelder quramalary qurylǵan. Ótken jyly chempıonatqa tek 4 óńirden 5 komanda ǵana tirkelgen edi.
Ár komanda sapynda keminde qazaqstandyq fýtbol mektebiniń 13 túlegi bolýǵa tıis degen talap qoıylyp otyr.
Endi aldaǵy týr oıyndary 23 jáne 25 tamyz kúnderi ótkiziledi.