Fýtboldan áıelder arasyndaǵy QCh: búgin «Aqtóbe» men BIІK kezdesedi
ASTANA. KAZINFORM - Búgin fýtboldan áıelder arasyndaǵy Qazaqstan chempıonatynyń XVtýry ótedi.
Bul týrdaǵy basty kezdesý búgin shymkenttik «Aqtóbe» men BIІK komandalary arasynda ótedi.
Oıyn qazaqstandyq ýaqytpen 19:00-de bastalyp, «Qazsport» telearnasynan tikeleı efırde kórsetiledi.
Qos klýb ta bıyl týrnır kestesinde aldyńǵy orynda keledi. Ázirge 15 oıynnan keıin BIІK klýby 43 upaımen birinshi orynda kele jatsa, olardan eki oıyn kem ótkizgen «Aqtóbeniń» enshisinde 37 upaı bar.
Atalǵan týrdaǵy ózge oıyndar 28 shilde kúni ótkiziledi.
Oıyn kestesi:
- «Aqtóbe» - BIІK (Shymkent)
- «Astana» - «Ulytaý» (Jezqazǵan)
- «Atyraý» - «Jetisý» (Taldyqorǵan)
- «Qaırat» (Almaty) - «Oqjetpes» (Kókshetaý)
- «Jeńis» (Astana) - «Qaısar» (Qyzylorda)
- «Tomırıs-Turan» (Túrkistan) - «Tobyl» (Qostanaı)
- «Qaısar» (Qyzylorda) - «Aqtóbe» kezdesýi 7 tamyz kúni ótkiziledi.
Federatsııa talabymen erler klýbtarynyń janynan bıyl áıelder quramalary qurylǵan.
Ótken jyly chempıonatqa tek 4 óńirden 5 komanda ǵana tirkelgen edi.
Ár komanda sapynda keminde qazaqstandyq fýtbol mektebiniń 13 túlegi bolýǵa tıis degen talap qoıylyp otyr. Oǵan 2009 jyly jáne odan erte dúnıege kelgen fýtbolshylar qatysa alady.