Fýtboldan áıelder arasyndaǵy Qazaqstan chempıonatynyń segizinshi týry ótedi

ASTANA. KAZINFORM - Búgin fýtboldan áıelder arasyndaǵy Qazaqstan chempıonatynyń segizinshi týry ótedi.

Federatsııa talabymen erler klýbtarynyń janynan bıyl áıelder quramalary qurylǵan. Ótken jyly chempıonatqa tek 4 óńirden 5 komanda ǵana tirkelgen edi.

Jeti týrdan keıin shymkenttik BIIK, túrkistandyq «Tomırıs-Turan», «Aqtóbe» komandalary 19 upaımen kósh bastap keledi.

Segizinshi týrdyń oıyn kestesi:

«Astana» - «Qaısar» (Qyzylorda)

«Qyzyljar» (Petropavl) - «Jeńis» (Astana)

«Elimaı» (Semeı) - «Oqjetpes» (Kókshetaý)

«Ulytaý» (Jezqazǵan) - «Tobyl» (Qostanaı)

«Qaırat» (Almaty) - «Atyraý»

BIIK (Shymkent) - «Jetisý» (Taldyqorǵan)

«Aqtóbe» - «Tomırıs-Turan» (Túrkistan)

Ár komanda sapynda keminde qazaqstandyq fýtbol mektebiniń 13 túlegi bolýǵa tıis degen talap qoıylyp otyr. Oǵan 2009 jyly jáne odan erte dúnıege kelgen fýtbolshylar qatysa alady.