Fýtboldan áıelder arasyndaǵy Qazaqstan chempıonatynda erejege ózgeris engizildi

ASTANA. KAZINFORM - Fýtboldan áıelder arasyndaǵy Qazaqstan chempıonatynda bıyl erejege birqatar ózgeris engizildi.

Bıyl el chempıonatynda oıyn kórsetetin erler klýbtarynyń áıelder quramalary da tolyqtaı qatysady. Ótken jyly chempıonatqa tek 4 óńirden 5 komanda ǵana tirkelgen edi. 

Qazaqstan Premer-lıgasy saıtynda kórsetilgenindeı, bıyl týrnırde «Atyraý», «Jetisý» (Taldyqorǵan), «Astana», «Elimaı» (Semeı), «Qaısar» (Qyzylorda), «Qyzyljar» (Petropavl), «Aqtóbe», «Ulytaý» (Jezqazǵan), «Qaırat» (Almaty), «Tomırıs-Turan» (Túrkistan), «Oqjetpes» (Kókshetaý), «BIІK» (Shymkent), «Tobyl» (Qostanaı) jáne «Jeńis» (Astana) syndy 14 komanda synǵa túsedi.

Sondaı-aq bıyl ár komanda sapynda keminde qazaqstandyq fýtbol mektebiniń 13 túlegi bolýǵa tıis degen talap qoıylyp otyr. Oǵan 2009 jyly jáne odan erte dúnıege kelgen fýtbolshylar qatysa alady. Al eń joǵarǵy jas shegi – 41 jas.

Eske salsaq, fýtboldan Qazaqstan 19 jasqa deıin qyzdar quramasy 2025 jylǵy Eýropa chempıonaty irikteý kezeńindegi ekinshi oıynynda Kosovodan jeńilip qaldy.