Fýtboldan áıelder arasyndaǵy Qazaqstan chempıonatynda «Aqtóbe» BIІK komandasyn jeńdi
ASTANA. KAZINFORM - Búgin fýtboldan áıelder arasyndaǵy Qazaqstan chempıonatynyń XVtýrynda «Aqtóbe» óz alańynda shymkenttik BIІK komandasynan basym tústi.
Jankúıerler eki komandanyń ózara kezdesýine qyzyǵýshylyq bildirdi. Týrnır kestesinde bıyl qos ujym kósh basynda keledi. Qazirge deıin 15 oıynnan keıin BIІK klýby 43 upaımen birinshi orynda kele jatsa, olardan eki oıyn kem ótkizgen «Aqtóbeniń» enshisinde 37 upaı bar bolatyn.
Kezdesý barysynda shymkenttik klýb alǵashqy bolyp esep ashty. Olardyń qatarynan Martına Serrant 70-mınýtta mergendigimen kózge tústi.
Al 73-mınýtta «Aqtóbe» sapynan Alına Lıtvınenko tarazy basyn teńestirse, Ekaterına Morozova 76-mınýtta óz qaqpasyna gol soǵyp aldy.
Oıynnyń 90, 96-mınýtynda aqtóbelik klýbtan Mádına Jańataeva eki gol soǵyp, óz komandasyna jeńis syılady.
Osylaısha «Aqtóbe» qarsylasynan 3:2 esebimen basym túsip, týrnır kestesindegi jaǵdaıyn jaqsarta tústi.
Endi atalǵan týrdaǵy qalǵan oıyndar 28 shilde kúni ótkiziledi.