Fýtboldan áıelder arasyndaǵy Qazaqstan chempıonaty: BIІK qarsylasyn iri eseppen jeńdi

ASTANA. KAZINFORM — Búgin fýtboldan áıelder arasyndaǵy Qazaqstan chempıonatynyń on birinshi týry máresine jetti.

Týrnır kestesinde kósh basynda kele jatqan BIІK bul joly da jeńisti jolyn jalǵastyrdy. Olar syrt alańda «Atyraý» komandasymen kezdesken edi. 

Birinshi kezeńde atyraýlyq klýb qaqpasyna jaýapsyz segiz gol soqsa, ekinshi kezeńde oǵan taǵy on bir gol qosty. Osylaısha qarsylasyn 19:0 esebimen jeńgen kkomanda týrnır kestesindegi jaǵdaıyn odan ári jaqsarta tústi.

Onynshy týrdyń nátıjesi

«Jeńis» (Astana) — «Ulytaý» (Jezqazǵan) 1:0
«Jetisý» (Taldyqorǵan) — «Oqjetpes» (Kókshetaý) 0:0
«Tobyl» (Qostanaı) — «Aqtóbe» 0:8
«Qaırat» (Almaty) — «Qyzyljar» (Petroppavl) 2:0
«Atyraý» — BIІK (Shymkent) 0:19
«Tomırıs-Turan» (Túrkistan) — «Astana» 3:1
«Qaısar» (Qyzylorda) — «Elimaı» (Semeı) 0:3.

Federatsııa talabymen erler klýbtarynyń janynan bıyl áıelder quramalary qurylǵan. Ótken jyly chempıonatqa tek 4 óńirden 5 komanda ǵana tirkelgen edi.

Ár komanda sapynda keminde qazaqstandyq fýtbol mektebiniń 13 túlegi bolýǵa tıis degen talap qoıylyp otyr. Oǵan 2009 jyly jáne odan erte dúnıege kelgen fýtbolshylar qatysa alady.