Fýtboldan áıelder arasyndaǵy Qazaqstan chempıonaty bastaldy

ASTANA. KAZINFORM - Fýtboldan áıelder arasyndaǵy Qazaqstan chempıonatynyń birinshi týry aıaqtaldy.

Bıyl el birinshiligine 14 komanda qatysady. Federatsııa talabymen erler klýbtarynyń janynan áıelder quramalary qurylǵan. Ótken jyly chempıonatqa tek 4 óńirden 5 komanda ǵana tirkelgen edi.

El birinshiliginde bıyl «Atyraý», «Jetisý» (Taldyqorǵan), «Astana», «Elimaı» (Semeı), «Qaısar» (Qyzylorda), «Qyzyljar» (Petropavl), «Aqtóbe», «Ulytaý» (Jezqazǵan), «Qaırat» (Almaty), «Tomırıs-Turan» (Túrkistan), «Oqjetpes» (Kókshetaý), «BIІK» (Shymkent), «Tobyl» (Qostanaı) jáne «Jeńis» (Astana) synǵa túsedi.

Alǵashqy týrdyń nátıjesi tómendegishe:

«Jetisý» - «Qaısar» 2:3

BIIK - Qyzyljar 9:0

«Astana» - «Aqtóbe» 0:6

«Ulytaý» - «Qaırat» 0:2

«Elimaı» - «Turan» 1:1

«Oqjetpes» - «Atyraý» 1:7

«Tobyl» - «Jeńis» 3:1

Ár komanda sapynda keminde qazaqstandyq fýtbol mektebiniń 13 túlegi bolýǵa tıis degen talap qoıylyp otyr. Oǵan 2009 jyly jáne odan erte dúnıege kelgen fýtbolshylar qatysa alady.

Eske salsaq, budan buryn Qazaqstan kýbogy shırek fınalyna shyqqan barlyq komanda anyqtaldy.