Fýtboldan áıelder arasyndaǵy el chempıonatynyń on úshinshi týry ótedi

ASTANA. KAZINFORM — Búgin fýtboldan áıelder arasyndaǵy Qazaqstan chempıonatynyń on úshinshi týry ótedi.

Atalǵan týrdan keıin birinshi aınalym máresine jetedi. Qazir shymkenttik BIІK, «Aqtóbe», «Tomırıs-Turan» komandalary úzdik úshtikte keledi. Sondyqtan olar búgingi oıynda jeńiske jetýge bar kúshin salatyny anyq. 

On úshinshi týrdyń oıyn kestesi:

«Jeńis» (Astana) — «Oqjetpes» (Kókshetaý)
«Qyzyljar» (Petropavl) — «Astana»
«Jetisý» (Taldyqorǵan) — «Aqtóbe»
«Qaırat» (Almaty) — BIІK (Shymkent)
«Atyraý» — «Elimaı» (Semeı)
«Tomırıs-Turan» (Túrkistan) — «Ulytaý» (Jezqazǵan)
«Qaısar» (Qyzylorda) — «Tobyl» (Qostanaı).

Federatsııa talabymen erler klýbtarynyń janynan bıyl áıelder quramalary qurylǵan. Ótken jyly chempıonatqa tek 4 óńirden 5 komanda ǵana tirkelgen edi.

Ár komanda sapynda keminde qazaqstandyq fýtbol mektebiniń 13 túlegi bolýǵa tıis degen talap qoıylyp otyr. Oǵan 2009 jyly jáne odan erte dúnıege kelgen fýtbolshylar qatysa alady.

Eske salsaq, fýtboldan áıelder arasyndaǵy Qazaqstan chempıonatynyń toǵyzynshy týrynda «Aqtóbe» komandasy qarsylas qaqpasyna gol soǵý jóninen óziniń rekordyn jańartty.