Fýtboldan áıelder arasynda Qazaqstan chempıonatynda «Aqtóbe» «Qaıratty» iri eseppen jeńdi

ASTANA. KAZINFORM - Fýtboldan áıelder arasyndaǵy Qazaqstan chempıonatynyń onynshy týry máresine jetti.

Bul týrda kóshbasshy komandalardyń barlyǵy jeńiske jetti. Shymkenttiń BIІK klýby óz alańynda elordalyq «Jeńisti» 7:0, «Aqtóbe» almatylyq «Qaıratty» 8:0, túrkistandyq «Tomırıs-Turan» petropavldyq «Qyzyljardy» 3:1 esebimen jeńdi. 

Onynshy týrdyń oıyn nátıjesi:

• «Astana» - «Atyraý» (Petropavl) 9:2
• «Elimaı» (Semeı) - «Jetisý» (Taldyqorǵan) 3:0
• «Tobyl» (Qostanaı) - «Oqjetpes» (Kókshetaý) 3:0
• «Ulytaý» (Jezqazǵan) - «Qaısar» (Qyzylorda) 2:0
• BIІK (Shymkent) - «Jeńis» (Astana) 7:0
• «Aqtóbe» - «Qaırat» (Almaty) 8:0
• «Qyzyljar» (Petropavl) - «Tomırıs-Turan» (Túrkistan) 3:1 

Bıyl Qazaqstan fýtbol federatsııasy talabymen erler klýbtarynyń janynan áıelder quramalary qurylǵan. Ótken jyly chempıonatqa tek 4 óńirden 5 komanda ǵana tirkelgen edi.

Ár komanda sapynda keminde qazaqstandyq fýtbol mektebiniń 13 túlegi bolýǵa tıis degen talap qoıylyp otyr. Oǵan 2009 jyly jáne odan erte dúnıege kelgen fýtbolshylar qatysa alady.