Fýtboldan Avstralııa quramasy álem chempıonatyna joldama aldy
NUR-SULTAN. QazAqparat - Avstralııa quramasy fýtboldan 2022 jylǵy álem chempıonaty fınaldyq satysyna joldama aldy, dep habarlaıdy QazAqparat tilshisi.
Avstralııalyq fýtbolshylar qurlyqaralyq ótpeli oıynda Perý quramasymen jasyl alańǵa shyqty. Perý quramasy Ońtústik Amerıkada besinshi oryn alǵan bolatyn.
Katardyń Al-Raıan qalasyndaǵy «Ahmed bın Alı» stadıonynda bolǵan kezdesýde negizgi kezeńde quramalar 0:0 esebine qanaǵat bildirdi. Penaltıden Avstralııa 5:4 esebimen jeńiske jetti.
Avstralııa osylaısha dúbirli dodaǵa berilgen 31-joldamaǵa qol jetkizdi.
Budan buryn Eýropadaǵy ótpeli oıynda Ýels Ýkraınany 1:0 esebimen jeńip, taǵy bir joldamaǵa ıe bolǵan edi.
Sondaı-aq, qurlyqaralyq ótpeli oıynda Kosta-Rıka men Jańa Zelandııa álem chempıonatyna beriletin sońǵy joldamany sarapqa salady.
Álem chempıonaty bıylǵy 21 qarasha men 18 jeltoqsannda Katar memleketinde ótedi.
Eske salsaq, UEFA Ulttar lıgasynda Frantsııa Horvatııadan jeńildi .
