Fýtboldan Astanada ótetin «Ańyzdar oıynyna» kimder keletini belgili boldy

ASTANA.KAZINFORM — Qazaqstan fýtboly kúnine oraı 25 sáýirde Astanada ótetin Álem jáne Qazaqstan fýtbolynyń ańyz oıynshylary kezdesýine kimderdiń qatysatyny belgili boldy.

Bul jóninde Qazaqstan fýtbol federatsııasynyń baspasóz hatshysy Seıil Qojataı áleýmettik jelidegi paraqshasynda málim etti. 

Qazaqstan ańyzdary quramynda Ulan Qonysbaev, Azat Nurǵalıev, Almat Bekbaev, Sergeı Skoryh, Aleksandr Kýchma, Renat Abdýlın, Qaırat Áshirbekov, Vıacheslav Bogatyrev, Tańat Nóserbaev, Jambyl Kókeev, Davıd Lorııa, Samat Smakov, Eldos Ahmetov, bloger Artýr Asqaruly oıyn kórsetedi.

Al Álem ańyzdary sapynda Vıtor Baııa, Marko Materatstsı, Haver Dzanettı, Krıstıan Dzakkardo, Dýglas Maıkon, Djeı-Djeı Okocha, Dımıtar Berbatov, Serjıno, Klod Makelele, Halılý Fadıga, Klarens Zeedorf, Esteban Kambıasso, Gaıska Mendeta, Fernando Morentes.

Oıyn 25 sáýirde elordadaǵy «Astana Arena» stadıonynda bolady.

Aıta keterligi, atalǵan fýtbol merekesi Ortalyq Azııada ótetin álemdik týrdyń alǵashqy oıyny bolmaq.

«Ańyzdar oıyny» Qazaqstan fýtbol federatsııasynyń qoldaýymen uıymdastyrylyp otyr.