Fýtboldan ártister arasyndaǵy alǵashqy álem chempıonaty ótedi
ASTANA. 11 sáýir. QazAqparat - Fýtboldan ártister arasyndaǵy álem chempıonaty tuńǵysh ret Máskeýde «Igilik týy astyndaǵy» qaıyrymdylyq aktsııasy aıasynda ótkizilmek.
Keıbir basylymdarda «Art-fýtbol» mýzykalyq festıvali dep te atalyp júr. Ótetin ýaqyty - 2-12 maýsym aralyǵy.
Oǵan 16 eldiń quramasy qatysady. Uıymdastyrýshylardyń aıtýynsha, alǵashqy álem chempıonatyna ótinishti der kezinde durys toltyryp ótkizgen elderdiń ártisteri qatysady. Soǵan qaraǵanda ótinish berýshiler qatary odan da kóp bolǵan sııaqty. Bir qyzyǵy, ár eldiń ártisteriniń sapynda eki ardager fýtbolshy oınaı alady. Mysaly, Chehııa quramdaryn áıgili Pavel Nedvedpen nyǵaıtsa, Reseı Alekseı Smertın men Sergeı Kırıakovty qosyp otyr, dep jazady «Alash aınasy» basylymy.
9 sáýir kúni tartylǵan jerebeniń qorytyndysy boıynsha, 16 qurama tórt topqa teń bólindi:
«A» toby: Brazılııa, Slovenııa, Polsha, Estonııa.
«V» toby: Germanııa, Anglııa, Reseı, Japonııa.
«S» toby: Chehııa, Túrkııa, Rýmynııa, Koreıa.
«D» toby: Gollandııa, Ýkraına, Slovenııa, Izraıl.
Jalpy, ártister arasyndaǵy álem chempıonatyn ótkizý týraly usynys alǵash ret 2001 jyly kóterilgen. Mine, endi júzege asqaly otyr. Álem chempıonatynyń oıyndary Máskeýdegi birneshe stadıonda ótedi. Ári Stas Namın atyndaǵy teatrda álem juldyzdarynyń qatysýymen kún saıyn gala-kontsert ótkizilip turmaq.
