Fýtboldan Argentına quramasy ekinshi márte «Fınalıssıma» oıynynda jeńimpaz boldy
NUR-SULTAN. QazAqparat - Argentına quramasy fýtboldan bıylǵy «Fınalıssıma» oıynynda jeńimpaz atandy, dep habarlaıdy QazAqparat tilshisi.
Eýropa jáne Ońtústik Amerıka qurlyqtarynyń chempıondary arasyndaǵy báseke 29 jyldan keıin qaıta jańǵyrdy.
Anglııa astanasy London qalasyndaǵy «Ýemblı» stadıonynda ótken kezdesýde argentınalyq fýtbolshylar jınaqy qımyl kórsetti. Nátıjesinde qarsylastar qaqpasyna jaýapsyz úsh gol soǵyp ketti. Bul goldardy Laýgaro Martınes 28, Anhel Dı Marııa 45, Paýlo Dıbala 90-mınýttarda ózderiniń enshisine jazdy.
Osylaısha argentınalyqtar 29 jyldan keıin taǵy bir márte atalǵan kýbokty tóbesine kóterdi. 1993 jyly Argentına men Danııa oınap, negizgi kezeń 1:1 esebimen teń aıaqtaldy. Penaltıden argentınalyq fýtbolshylar 5:4 esebimen basym túsken edi.
Odan buryn 1985 jyly Frantsııa Ýrýgvaıdy 2:0 esebimen súrindirdi. Atalǵan báseke búginge deıin nebári 1985, 1993 jyldarda eki márte ótkizilgen.
