Fýtboldan álem chempıonatynyń resmı ánuranynyń beınebaıany jarııalandy
ASTANA. QazAqparat - «We Are One» («Biz birgemiz») dep atalatyn 2014 jyly fýtboldan ótetin álem chempıonatynyń resmı ánuranyna túsirilgen beınebaıandy ǵalamtordan eki kún ishinde 4 mln. astam adam tamashalap úlgergen.
Ony ǵalamtorǵa osy ándi áıgili ánshi Djenıfer Lopespen jáne brazılııalyq estrada juldyzy Klaýdııa Leıtamen birge oryndaıtyn tanymal amerıkandyq pop oryndaýshy Pıtbýl jarııalaǵan. Bul ánuran San-Paýlýda 12 maýsym kúni ótetin 2014 jylǵy fýtboldan álem chempıonatynyń ashylý saltanatynda oryndalmaq. Ánniń resmı emes nusqasy ǵalamtorda aqpan aıynda jarııalanǵanyn esterińizge sala keteıik. Onyń resmı beınebaıanyn túsirý jumystary sol kezde bastalǵan.
Aıta keteıik, 2010 jylǵy Ońtústik Afrıkada ótken chempıonattyń ánurany Shakıranyń oryndaýyndaǵy «Waka, Waka» áni bolǵan edi. Al jalpy syılyq qory 576 mln. dollardy quraıtyn fýtboldan bıylǵy álem chempıonaty 12 maýsym men 13 shilde aralyǵynda Brazılııada ótedi.
