Fýtboldan Álem chempıonatynyń ózge elde emes, Ońtústik Afrıkada ótip jatýynyń sebebi nede?
ASTANA. Maýsymnyń 12-i. QazAqparat - Álem chempıonaty fýtbol tarıhynda alǵash ret Afrıka qurlyǵynda ótip jatyr, dep habarlaıdy QazAqparat.
Dúbirli báseke osyǵan deıin birneshe retten Soltústik jáne Ońtústik Amerıka men Taıaý Shyǵysta ótken. Al Afrıkada birinshi ret ótip otyr. Álemdik deńgeıdegi osyndaı iri sharany uıymdastyrý isine qurlyqtaǵy Mysyr, Aljır, Marokko sııaqty memleketterdiń ynta-yqylas bildirgenine qaramastan mamandardyń tańdaýy Ońtústik Afrıka Respýblıkasyna turaqtaǵan. Sebebi bul memlekette chempıonatty ótkizýge úmitker ózge memleketterge qaraǵanda, ınfraqurylym jaqsy damyǵan jáne elde jańa stadıondar salynǵan. Sondaı-aq memleket teńiz jaǵalaýynda ornalasqan. Onyń ústine aımaqtyń aýa raıy da jaqsy, tabıǵaty da kórkem. Eń bastysy munda «Jahan arýy» sharasy jıi uıymdastyrylyp turady. ıAǵnı memlekettiń halyqaralyq deńgeıdegi iri sharalardy uıymdastyrý tájirıbesi bar.
Al qazirgi tańda ótip jatqan álem chempıonatyna arnap, elde 8 jańa stadıon salynypty. Olardyń barlyǵy da ásem, ári tıisti talaptarǵa saı etip salynǵan. FIFA sarapshylary da atalmysh qurylǵylardy jaqsy baǵalap, fýtbol týrnırlerin ótkizýge ruqsattaryn bergen. Sonymen qatar sarapshylar ondaǵy kógaldardyń óte ádemi ekendigin, osyǵan qaraı Álem chempıonatyna qatysatyn sportshylar da joǵary deńgeıdegi fýtbol oıynyn kórsetetinin atap kórsetken.
