Fýtboldan álem chempıonatynyń fınalyna shyqqan klýbtar anyqtaldy
NUR-SULTAN. QazAqparat - Fýtboldan 2019 jylǵy komandalyq álem chempıonatynyń fınalyna joldama alǵan klýbtar anyqtaldy, dep habarlaıdy QazAqparat tilshisi.
Búgin jartylaı fınalda Anglııanyń «Lıverpýl» klýby Meksıkanyń «Monterreı» komandasymen kezdesti. Oıyn barysynda esepti aǵylshyndyq klýb ashqan bolatyn. Oıynnyń 11-mınýtynda Nabı Keıta qarsylastar qaqpashysyn qapy qaldyrdy. Degenmen arada nebári úsh mınýt ótkende meksıkalyq fýtbolshylar tarazy basyn teńestirip ketti. Ony 14-mınýtta Rohelıo Morı óziniń enshisine jazdy. Al 91-mınýtta Roberto Fırmıno jeńis golyn soqty. Osylaısha fınalǵa «Lıverpýl» shyqty. Keshe, 17 jeltoqsanda «Flamengo» klýby «Al-Hılıal» komandasyn 3:1 esebimen jeńip, fınalǵa alǵashqy bolyp joldama aldy. Fınal 21 jeltoqsanda ótkiziledi.
Atalmysh dop dodasy barlyǵy 7 komanda qatysty. Olardyń qatarynda Muhıt aımaǵynan - Jańa Kaledonııanyń «Iengen Sport», Azııadan - Katardyń «Al-Sadd», Saýd Arabııasynyń «Al-Hılıal», Solústik Amerıkadan - Meksıkanyń «Monterreı», Afrıkadan - Týnıstiń «Esperans», Ońtústik Amerıkadan - Brazılııanyń «Flamengo», Eýropadan - Anglııanyń «Lıverpýl» komandalary baq synap jatyr.
Búgingi kúnge deıin barlyǵy 9 komanda komandalyq álem chempıonatynyń jeńimpazy atanǵan bolatyn. «Lıverpýl» 2005 jyly fınalǵa deıin jetip, ol joly Brazılııanyń «San-Paýlý» komandasyna jol bergen edi. Al Ispanııanyń «Real Madrıd» klýby - 4, «Barselona» -3, Brazılııanyń «Korıntıansy» -2 márte, «Internasonal», «San-Paýlý», Italııanyń «Mılan», «Internatsıonale», Anglııanyń «Manchester ıÝnaıted», Germanııanyń «Bavarııa» klýbtary bir-birden chempıon atandy.
