Fýtboldan álem chempıonatynda Senegal quramasy Qatardy jeńip ketti

ASTANA. QazAqparat - Qatarda ótip jatqan fýtboldan 2022 jylǵy álem chempıonatynyń A tobynda Senegal quramasy Qatardan basym tústi, dep habarlaıdy QazAqparat tilshisi.

Alǵashqy týrda Qatar quramasy Ekvadorǵa, Senegal Nıderlandqa 0:2 esebimen jol berdi.

Sondyqtan búgingi kezdesýdiń eki qurama úshin de mańyzy erekshe bolatyn. Bul joly senegaldyq fýtbolshylar saýatty oıyn órnegin kórsete bildi.

Birinshi kezeńniń 41-mınýtynda senegaldyq Býlaıe Dıa mergendigimen kózge tússe, 48-mınýtta Famara Dedıý esepti ústemeleı tústi.

Qatarlyq qurama sapynan Mohammed Mýntarı 78-mınýtta kózdegen nysanadan múlt ketken joq. Osylaısha ol óz quramasynyń álem chempıonaty fınaldyq satysyndaǵy tuńǵysh golynyń avtory atandy.

Budan keıin senegaldyq Bamba Deng 84-mınýtta qorytyndy esepti belgiledi.

Osylaısha Senegal quramasy Qatardan 3:1 esebimen basym tústi.

Endi atalǵan toptaǵy Nıderland pen Ekvador elorda ýaqytymen 22:00-de «Qazsport» telearnasynan tikeleı efırde kórsetiledi.

Sondaı-aq, búgin V tobyndaǵy Iran quramasy Ýelsten basym tústi.

Osy toptaǵy Anglııa men AQSh oıyny elorda ýaqytymen 01:00-de «Qazaqstan» men «Qazsport» telearnalarynan tikeleı efırde kórsetiledi.

Foto: Getty Images/Global Images Ukraine