Fýtboldan álem chempıonatyna qatysqan quramalardyń qansha syıaqy alatyny belgili boldy
NBC Sports málim etkenindeı, Halyqaralyq fýtbol qaýymdastyǵy (FIFA) bul maqsatqa barlyǵy 410 mln-nan astam eýro qarjy bólgen.
Toptyq básekeden asa almaǵan Qatar, Ekvador, Ýels, Iran, Meksıka, Saýd Arabııasy, Danııa, Týnıs, Kanada, Belgııa, Germanııa, Kosta-Rıka, Serbııa, Kamerýn, Gana jáne Ýrýgvaı komandalary 8,5 mln eýrodan alady.
Sondaı-aq 1/8 fınaldan keıin shyǵyp qalǵan AQSh, Senegal, Aýstralııa, Polsha, Ispanııa, Japonııa, Shveıtsarııa jáne Ońtústik Koreıanyń úlesine 12 mln-daı eýrodan tıdi. Shırek fınalǵa jetken Brazılııa, Nıderland, Portýgalııa, Anglııaǵa 16 mln-nan sál astam eýrodan beriledi.
Tórtinshi orynǵa taban tiregen Marokko 23,5 mln-ǵa, qola medal ıegeri Horvatııa 25,5 mln-ǵa jýyq eýroǵa qol jetkizedi.
Álem chempıonatynyń kúmis júldegeri Frantsııa - 28 mln, jeńimpazdar – Argentına quramasy 37,5 mln eýrodan almaq.
Eske sala keteıik, budan buryn Qazaqstan ulttyq quramasynyń FIFA reıtıngisindegi orny anyqtalǵanyn jazǵan bolatynbyz.
Sondaı-aq Ronaldý «Al-Nasr» klýbymen uzaq merzimdi kelisimshart jasady.
Foto: www.championat.com
