Fýtboldan álem chempıonatyna qatysatyn quramalardyń qaı sebetke túskeni anyqtaldy
NUR-SULTAN. QazAqparat - Fýtboddan 2022 jylǵy álem chempıonaty fınaldyq týrnıriniń jerebe sebeti belgili boldy, dep habarlaıdy QazAqparat tilshisi.
Ol 31 naýryzda FIFA jarııalaǵan reıtıng nátıjesi boıynsha jasaldy.
Dúbirli dodada baq synaıtyn quramalar tórt sebetke bólingen. Ázirge oǵan qatysatyn 29 qurama belgili.
Qalǵany maýsym aıynda anyqtalady.
Quramalardyń sebette ornalasýy tómendegishe:
Birinshi sebet: Katar (týrnır qojaıyny), Brazılııa, Belgııa, Frantsııa, Argentına, Anglııa, Ispanııa jáne Portýgalııa.
Ekinshi sebet: Meksıka, Nıderlandy, Danııa, Germanııa, Ýrýgvaı, Shveıtsarııa, AQSh jáne Horvatııa.
Úshinshi sebet: Senegal, Iran, Japonııa, Marokko, Serbııa, Polsha, Ońtústik Koreıa jáne Týnıs.
Tórtinshi sebet: Kamerýn, Kanada, Ekvador, Saýd Aravııasy, Gana, sondaı-aq qurlyqaralyq ótpeli saıys (Kosta-Rıka men Jańa Zelandııa, Perý men Avstralııa/BAÁ) jáne eýropalyq irikteý kezeńindegi ótpeli saıystaǵy jeńimpaz (Ýels pen Shotlandııa/Ýkraına).
Álem chempıonatynyń fınaldyq satysynyń jerebesi 1 sáýirde Katar astanasy – Doha qalasynda ótedi. Ol elorda ýaqytymen 22.00-de «Qazsport» telearnasynan tikeleı efırde kórsetiledi.
Dúbirli doda bıylǵy jyldyń 21 qarashasy men 8 jeltoqsany aralyǵynda Katarda bolady.
