Fýtboldan Álem chempıonatyna qansha qazaqstandyq barǵany belgili boldy
ASTANA. QazAqparat - Reseıde ótken fýtboldan Álem chempıonatynyń oıyndaryn tamashalaýǵa Qazaqstannan 10 myńnan astam jankúıer barǵan, dep habarlaıdy «QazAqparat» HAA Qazaqstan Respýblıkasynyń Reseıdegi Elshiliginiń resmı saıtyna silteme jasap.
«Reseıdiń 11 qalasynda fýtboldan Álem chempıonatynyń matchtary ótti. Osy kezeń barysynda jankúıer pasportyn resmı alǵan 10 myńnan astam qazaqstandyq keldi», - delingen habarlamada.
Eske salaıyq, Reseı alǵash ret fýtboldan Álem chempıonatyn ótkizdi. Oıyndar 14 maýsym-15 shilde aralyǵynda Máskeý, Kalınıngrad, Sankt-Peterbýrg, Volgograd, Qazan, Tómengi Novgorod, Samara, Saransk, Dondaǵy Rostov, Ekaterınbýrg jáne Sochı qalalarynda boldy.
