Fýtboldan Álem chempıonatyna bıletter qansha turady
ASTANA. QazAqparat - Fýtboldan Reseıde ótetin Álem chempıonatyn tamashalaýǵa 4,5 myńǵa jýyq qazaqstandyq barýǵa asyǵyp otyr, dep habarlaıdy «QazAqparat» HAA tilshisi Qazaqstannyń Reseıdegi Elshiliginiń baspasóz qyzmetine silteme jasap.
Toptyq kezeńdegi oıyndardyń eń arzan bıleti 70 dollar turady, al eń qymbaty fınaldyq oıynǵa bolady - 250 dollar shamasynda.
Búgin belgili bolǵandaı, mıllıonǵa jýyq adam 2018 jylǵy Álem chempıonatynyń jankúıerlik tólqujatyn satyp alyp úlgergen.
Fýtboldan álem chempıonaty 14 maýsymnan 11 shildege deıin Reseıdiń 11 qalasynda ótedi. Ashylý saltanaty, alǵashqy oıyn, fınal jáne 12 kezdesý Máskeýde bolady.
