Fýtboldan álem chempıonatyna baratyn 29 komanda anyqtaldy
NUR-SULTAN. QazAqparat - Fýtboldan 2022 jylǵy álem chempıonatynyń fınaldyq satysyna joldama alǵan 29 qurama anyqtaldy, dep habarlaıdy QazAqparat tilshisi.
Álem chempıonatyna taǵy eki joldamaǵa Soltústik Amerıkadan Meksıka men AQSh quramalary qol jetkizdi. Odan buryn mundaı múmkindikke Kanada quramasy ıe bolǵan edi.
Eske salsaq, buǵan deıin olardan basqa 26 qurama joldama alyp úlgergen edi. Olardyń qatarynda alań ıesi – Katar, Eýropa elderinen – Germanııa, Danııa, Frantsııa, Belgııa, Horvatııa, Ispanııa, Serbııa, Anglııa, Shveıtsarııa, Nıderlandy, Portýgalııa, Polsha, Ońtústik Amerıkadan – Brazılııa, Argentına, Ýrýgvaı, Ekvador, Azııa memleketterinen – Iran, Ońtústik Koreıa, Japonııa, Saýd Arabııasy, Afrıkadan Kamerýn, Marokko, Týnıs, Gana, Senegal quramalary bar.
Eýropa qurlyǵynda álem chempınaty ótpeli saıysynda bir oıynmen Shotlandııa men Ýkraına jeńimpazy anyqtalady. Kezdesý shamamen maýsym aıyna belgilengen. Jeńimpazy sol aıda Ýelspen taǵy bir joldamany sarapqa salady.
Al Ońtústik Amerıka, Azııa, Soltústik Amerıka jáne muhıt aımaǵynan tórt qurama qurlyqaralyq ótpeli saıysta taǵy eki joldamaǵa talasady.
Álem chempıonatynyń fınaldyq satysynyń jerebesi 1 sáýirde Katar astanasy – Doha qalasynda ótedi. ol elorda ýaqytymen 22.00-de «Qazsport» telearnasynan tikeleı efırde kórsetiledi.
Dúbirli doda bıylǵy jyldyń 21 qarashasy men 8 jeltoqsany aralyǵynda Katarda bolady.
