Fýtboldan Álem chempıonatyna arnaıy oınatylǵan vıktorınanyń jeńimpazdary marapattaldy

«Qazaqstan» Ulttyq telearnasy 12 maýsym kúni bastaý alǵan fýtboldan Álem chempıonatyna qatysty ıntellektýaldyq saıys jarııalaǵan bolatyn.

28 sáýir men 4 maýsym aralyǵynda «Tańsholpan» baǵdarlamasy fýtbol tarıhynan kún saıyn aqparat berip, kórermenderge vıktorına uıymdastyryp otyrdy. Osy ýaqyt ishinde Ulttyq telearnanyń bastamasyna qoldaý bildirip, belsendilik tanytqan jeńimpazdar «Tańsholpan» stýdııasynda tikeleı efırde marapattaldy.

I oryn Ulttyq arnanyń turaqty kórermeni, eń kóp (29) upaı jınaǵan almatylyq Dýman Mızambekke buıyrdy. Qazaq Ulttyq ýnıversıtetiniń stýdentine Túrkııaǵa bıznes-klaspen ushyp barýǵa jáne qaıtýǵa quqyq beretin bılet berildi.

Al Atyraý oblysyna qarasty Jylyoı aýdanynda turatyn, bıyl 9 synypty aıaqtaǵan Amanjan Ádiljanov 26 upaı jınap, II oryndy enshiledi. Sondaı-aq, oǵan teledıdar tabys etildi. 25 upaıdy qanjyǵasyna baılaǵan ІІІ oryn ıegeri Almaty oblysynyń Іle aýdanyndaǵy Nurǵısa Tilendıev atyndaǵy orta mekteptiń fızıka jáne ınformatıka pániniń muǵalimi Erkebulan Tolqynovqa syılyqqa I-pad tabys etildi.

«Qazaqstan» telearnasy óziniń turaqty kórermenderin Brazılııada ótip jatqan fýtboldan Álem chempıonatynyń úzdikterin birge anyqtaýǵa shaqyrady. «Qaı eldiń qurama komandasy chempıon atanady?», «Eń kóp goldy qaı fýtbolshy soǵýy múmkin?», «Úzdik qaqpashy ataǵy kimge buıyrady?» degen 3 saýalǵa alǵashqy bolyp durys jaýap bergen úsh kórermen telearnanyń ázirlegen arnaıy syı-sııapattaryna ıe bolady. Ol úshin kún saıyn tańerteńgi tikeleı efıge shyǵatyn «Tańsholpanǵa» qońyraý shalýǵa nemese baǵdarlamanyń www.tankaz.kz saıtyna kirip jaýap qaldyrýǵa bolady.