Fýtboldan álem chempıonaty matchtaryn shetel telearnalarynan kórsetken býkmekerlik keńseler jazalanady
ASTANA. QazAqparat - 2014 jyly Brazılııada ótetin fýtboldan álem chempıonatynyń matchtaryn úsh telearna translıatsııalaıtyn bolady. Bul týraly búgin «Qazaqstan» RTRK Basqarma tóraǵasy Nurjan Muhamedjanova málim etti.
Onyń aıtýynsha, telekórermender «Qazaqstan» telearnasynyń tikeleı efırinen 33 matchtyń translıatsııasyn, «Eýrazııa birinshi arnasynan» 32 kórsetilimin jáne «KAZsport» telearnasynan barlyq kezdesýlerdi kóre alady. Al jabylý saltanatyn 13 shildede «Qazaqstan» jáne «Eýrazııa birinshi arnasy» telearnalarynan tamashalaýǵa bolady.
«KAZsport» telearnasynyń dırektory Dıas Ahmetshárip atap ótkendeı, atalmysh úsh telearna Qazaqstan aýmaǵynda fýtboldan álem chempıonatyn kórsetý quqyǵyn satyp aldy. Sondyqtan meıramhanalar, býkmekerlik keńseler, ózge de keshender reseılik nemese basqa shetel telearnalarynan fýtbol chempıonatyn kórsetkeni úshin ákimshilik jaýapkershilikke tartylady.
«Soǵan baılanysty tekserister men reıdter júrgizetin bolamyz. Eger shetel telearnalary arqyly fýtbol matchtary translıatsııalansa, tıisti sharalar qoldanylady», - dep atap ótti ol.
Aıta keteıik, qazaqstandyq kommentatorlar men tilshiler eldiń sport jýrnalıstıkasy tarıhynda osyndaı sharany alǵash ret t ikeleı oqıǵa ornynan baıandaıtyn bolady.
