Fýtboldan álem chempıonaty: Qazaqstan Bosnııa jáne Gertsegovınaǵa ese jiberdi
NUR-SULTAN. QazAqparat - Búgin fýtboldan 2022 jylǵy álem chempıonatyna irikteý satysynda Qazaqstan quramasy kezekti oıynyn elordada Bosnııa jáne Gertsegovınaǵa qarsy ótkizdi, dep habarlaıdy QazAqparat tilshisi.
Búgingi kezdesýde quramalar jeńiske jetý jolyn izdedi. Alǵashqy mınýttarda qazaqstandyq fýtbolshylardyń basymdyǵy baıqalyp turdy.
Qarsylastar qaqpasy mańynda jıi boı kórsetti. Ýaqyt óte kele bosnııalyq qurama alǵa qaraı umtyla tústi.
Oıynnyń 25-mınýtynda bosnııalyq Smaıl Prevlıak esep ashqan edi. Odan keıin qos quramanyń da esepti ózgertetin múmkindigi bolǵan edi.
Ekinshi kezeńde 66-mınýtta Smaıl Prevlıak óziniń ekinshi golyn soǵyp, qorytyndy esepti belgiledi.
Osylaısha Qazaqstan qarsylasynan 0:2 esebimen jeńildi.
Endi qazaqstandyq fýtbolshylar 12 qazanda elordada Fınlıandııa quramasyn qabyldaıdy.
Aıta ketsek, buǵan deıin eki qurama bir márte sheberlik baıqasty.
Bıyl álem chempıonaty irikteý satysyndaǵy alǵashqy oıynda quramalar 2:2 esebine qanaǵat bildirdi.
