Fýtboldan álem chempıonaty: Qatar quramasy Ekvadordan jeńilip qaldy

ASTANA. QazAqparat - Fýtboldan 2022 jylǵy álem chempıonatynyń alǵashqy kezdesýinde Qatar quramasy Ekvadorǵa jol berdi, dep habarlaıdy QazAqparat tilshisi.

Týrnırdiń fınaldyq satysyna qatarlyq fýtbolshylar tuńǵysh márte qatysyp otyr. Al Ekvador buǵan deıin úshinshi márte baq synady.

Sondyqtan qatarlyq quramaǵa tájirıbe jetispegen sekildi. Kezdesýdiń alǵashqy mınýtynan ekvadorlyq fýtbolshylar alǵa qaraı umtyldy. Osyndaı sátterdiń birinde Enver Valensııa 3-mınýtta qaqpany dál kózdegen edi. Alaıda atalǵan gol oıyn tártibiniń buzylýyna baılanysty sanalǵan joq.

Enver Valensııa 16-mınýtta penaltıden esep ashty. Bul - bıylǵy álem chempıonatynda soǵylǵan alǵashqy gol bolatyn. Ol 31-mınýtta esepti ústemeleı tústi.

Ekinshi kezeńde alań ıeleri tarazy basyn teńestirýge umtyldy. Alaıda, dittegen maqsatyna jete alǵan joq.

Osylaısha Qatar fýtbolshylary qarsylasyna 0:2 esebimen ese jiberdi.

Atalǵan eki qurama A tobynda synǵa túsedi. Bul toptaǵy Senegal - Nıderlandy kezdesýi 21 qarashada elorda ýaqytymen 22:00- de bastalyp, «Qazsport» telearnasynan tikeleı efırde kórsetiledi.

Sondaı-aq, bul kúni V tobyndaǵy Anglııa - Iran kezdesýin elorda ýaqytymen 19:00-de «Qazaqstan» jáne «Qazsport», AQSh - Ýels oıyny 01:00-de «Qazsport» telearnasynan tamashalaýǵa bolady.

Foto: sports.kz