Fýtboldan álem chempıonaty: Horvatııa Brazılııaǵa qaýqar kórsete ala ma

ASTANA. QazAqparat - Qatarda ótip jatqan fýtboldan 2022 jylǵy álem chempıonatynda búgin, 9 jeltoqsanda jartylaı fınalǵa beriletin alǵashqy joldamany Horvatııa men Brazılııa sarapqa salady, dep habarlaıdy QazAqparat tilshisi.

Kezdesý elorda ýaqytymen 21.00-de bastalyp, «Qazaqstan» jáne «Qazsport» telearnalarynan tikeleı efırde kórsetiledi.

Oıyn Er-Raııan qalasyndaǵy 45 myń orynǵa arnalǵan «Edıýkeıshn Sıtı» stadıonynda ótedi.

Bas tóreshi – anglııalyq Maıkl Olıver. Oǵan otandastary Stıýart Bert pen Garı Besvık kómekshi bolady. Qosalqy tóreshi – aljırlik Mýstafa Gorbal.

FIFA reıtınginde Horvatııa – 12, Brazılııa 1-orynda tur.

Eki qurama buǵan deıin tórt márte kezdesti. Bireýinde teń nátıje tirkelse, ekeýinde ıspanııalyq fýtbolshylar basym tústi.

Toptyq kezeńde F tobynda synǵa túsken Horvatııa Marokko jáne Belgııamen 0:0 esebimen teń túsip, Kanadany 4:1 esebimen tize búktirdi. 1/8 fınalda Japonııamen 1:1 esebimen teń túsip, penaltı tebýden mergendik tanytty.

Al G tobynda Brazılııa Serbııany 2:0, Shveıtsarııany 1:0 esebimen jeńip, Kamerýnǵa 0:1 esebimen jol berdi. Toptyq kezeńde Ońtústik Koreıany 4:1 esebimen qapy qaldyrdy.

Álem chempıonatynda Horvatııa 1998 jyly qola alsa, 2018 jyly kúmis júldeger atandy.

Brazılııa quramasy 1958, 1962, 1970, 1994, 2002 jyldarda chempıon boldy.

Aıta keteıik, sondaı-aq 9 jeltoqsanda elorda ýaqytymen 01:00-de Nıderland pen Argentına kezdesýi «Qazaqstan» men «Qazsport» telearnalarynan tikeleı efırde kórsetiledi.