Fýtboldan álem chempıonaty: Frantsııa Qazaqstanǵa qarsy quramyn jarııalady
Bul tizimde Anglııanyń «Chelsı» klýbynyń jartylaı qorǵaýshysy Ngolo Kante joq. Ol quramanyń óz alańyndaǵy Ýkraınamen kezdesýinde jaraqat alyp qalǵan.
Tizimde esimi álemge áıgili fýtbolshylardyń barlyǵy qamtylǵan.
Atap aıtqanda, olardyń qatarynda belgili klýbtardyń namysyn qorǵaıtyn qaqpashy Ýgo Lorıs, jartylaı qorǵaýshylar Pol Pogba, Ýsman Dembele, shabýylshylar Kılıan Mbappe, Olıve Jırý, Antýan Grızmann bar.
Frantsııa quramasynyń tolyq tizimi:
Qaqpashylar: Maık Menıan («Lıll»), Ýgo Lorıs («Tottenhem»), Stıv Mandanda («Marsel»), Alfons Areolıa («Fýlhem»).
Qorǵaýshylar: Ferlan Mendı («Real»), Lıýka Dın («Everton»), Presnel Kımpembe (PSJ), Leo Dıýbýa («Lıon»), Kleman Langle («Barselona»), Lıýka Ernandes («Bavarııa»), Kýrt Zýma («Chelsı»), Rafael Varan («Real»), Benjamen Pavar («Bavarııa»).
Jartyaı qorǵaýshylar: Pol Pogba («Manchester ıÝnaıted»), Ýsman Dembele («Barselona»), Adrıen Rabo («ıÝventýs»), Mýssa Sıssoko («Tottenhem»), Toma Lemar («Atletıko»), Tangı Ndombele («Tottenhem»), Kıngslı Koman («Bavarııa»).
Shabýylshylar: Kılıan Mbappe (PSJ), Antýan Grızmann («Barselona»), Olıve Jırý («Chelsı»), Antonı Marsıal («Manchester ıÝnaıted»), Vıssam Ben-Iedder («Monako»).
Esterińizge sala keteıik, Qazaqstan atalǵan dop dodasynyń irikteý satysynda D tobynda synǵa túsedi.
Qarsylastary - Frantsııa, Ýkraına, Bosnııa jáne Gertsogovına, Fınlıandııa quramalary.
Qazaqstandyq fýtbolshylar alǵashqy týrda eshkimmen kezdesken joq. Óz alańynda Frantsııa Ýkraınamen 1:1, Fınlıandııa Bosnııa jáne Gertsogovınamen 2:2 esebimen teń oınady.
Endi 28 naýryzda Qazaqstan men Frantsııa kezdesse, sol kúni Ýkraına Fınlıandııamen sheberlik baıqasady.
Eýropa qurlyǵynda 55 qurama 11 topqa bólingen. Árbir topta alǵashqy eki orynǵa ıe bolǵan quramalar álem chempıonatynyń fınaldyq satysyna tikeleı joldama alady.
Іrikteý kezeńi bıylǵy jyldyń 16 qarashasynda márege jetedi.
Dúbirli dodanyń fınaldyq satysy 2022 jyldyń 21 qarashasy men 18 jeltoqsany aralyǵynda Katarda ótedi.
