Fýtboldan álem chempıonaty: Brazılııa jarys jolynan shyǵyp qaldy
ASTANA. Shildeniń 3-i. QazAqparat - Ońtústik Afrıka Respýblıkasynda ótip jatqan fýtboldan álem chempıonatynyń shırek fınalynda Gollandııa Brazılııa quramasyn utty, esep 2:1.
Oıynnyń 10-shy mınýtynda-aq qarsylastar qaqpasyna brazılııalyq shabýylshy Robson de Soýza alǵashqy dop soqty. Osydan keıin eki jaqqa da qaýipti sátter bolǵanymen oıynnyń birinshi taımy ońtústikamerıkalyqtardyń paıdasyna sheshildi.
Al oıynnyń ekinshi jartysynda brazılııalyqtardyń qaqpasy mańyndaǵy qaýipti sátterdiń birinde atalǵan quramanyń jartylaı qorǵaýshysy Felı́pe Mélo Vısente de Karválo óz qaqpasyna dop jiberip aldy. Araǵa 15 mınýt salyp gollandııalyq jartylaı qorǵaýshy Ýeslı Sneıderdiń baspen baǵyttaǵan doby qarsylastar qaqpasynda týlady. Osylaısha 2:1 esebimen jeńiske jetken Gollandııa quramasy jartylaı fınalǵa joldama aldy.
