Fýtboldan Álem chempıonaty Astananyń LED dıspleıli ekrandarynda kórsetiletin bolady
STANA. Maýsymnyń 9-y. QazAqparat /Gúlnar Jandaǵulova/ - Ońtústik Afrıkada ótetin 2010 jylǵy fýtboldan Álem chempıonatynyń ashylýy, matchtyń birinshi oıyny maýsymnyń 11-i kúni Astananyń eń úlken LED dıspleıli ekrandarynda kórsetiletin bolady,
dep habarlaıdy «Báıterek» medıa-ortalyǵy.
Elorda turǵyndary men qonaqtary shildeniń 7-sinde bolatyn ekinshi jartylaı fınaldy, shildeniń 10-ynda úshinshi jáne tórtinshi oryndar úshin ótetin oıyndy, shildeniń 11-kúni fınal men jabylý saltanatyn Báıterek aýdanyndaǵy jáne Kaskad bıznes ortalyǵyna qarama-qarsy ornalasqan úlken LED dıspleılar arqyly tamashalaı alady.
Ońtústik Afrıka Respýblıkasy Elshiliginiń birlesken Astana qalasynyń ákimdigi, «Habar» agenttigi jáne BI Media Company kompanııasy translıatsııalardyń uıymdastyrýshylary bolyp otyr.
