Fýtboldan Álem chempıonaty: Argentına-Islandııa teń oınady
ASTANA. QazAqparat - Búgin fýtboldan 2018 jylǵy Álem chempıonatynyń D tobynda jankúıerler asyǵa tosqan matchtardyń biri boldy. Lıonel Messı bastaǵan Argentına jáne alǵash ret mýndıalǵa qatysqaly otyrǵan Islandııa quramalary sheberlik synasty, dep habarlaıdy QazAqparat «SPORTINFORM» SAA silteme jasap.
Birinshi goldy Argentınanyń shabýylshysy Serhıo Agýero soqty - 1:0. Islandııalyqtar buǵan esh abyrjymaı, 4 mınýttan soń-aq Vıllı Kabalero qorǵaǵan qaqpaǵa dop saldy, esep - 1:1.
60 mınýt aıaqtalýǵa jaqyn qalǵanda argentınalyqtar alǵa shyǵýǵa taǵy bir múmkindik aldy. Mesa penaltı aldy, al Messı ony júzege asyra almady. Islandııalyqtardyń golkıperi bul jerde óz sheberligin kórsetti. 77-mınýtta argentınalyqtar ekinshi penaltı alýy kerek tıis edi, biraq arbıtr ereje buzýshylyǵyn baıqamady. Al Horhe Sampaolıdiń komandasy nelikten ekeni belgisiz, ereje buzylǵan sáttiń qaıtalap kórsetilýin talap etpedi. Keıinirek Messı birneshe qaýipti soqqy jasady. Biraq ıslandııalyqtar oǵan qarsy tura bildi. Sóıtip, favorıtke qarsy oıyndy ózderi úshin jaqsy nátıjemen aıaqtady.
