Fýtboldan álem chempıonaty: Anglııa quramasy Irandy iri eseppen jeńdi

ASTANA. QazAqparat - Qatarda ótip jatqan fýtboldan 2022 jylǵy álem chempıonatynyń ekinshi oıyn kúninde Anglııa quramasy Irandy iri eseppen jeńdi, dep habarlaıdy QazAqparat tilshisi.

V tobynda synǵa túsetin qurama arasyndaǵy kezdesý barysynda aǵylshyndyq fýtbolshylar tizgindi óz qolyna alýǵa tyrysty.

Nátıjesinde birinshi kezeńniń ózinde olar Iran quramasy qaqpasyna úsh gol soǵyp úlgerdi.

Ony Djýd Bellıngem 35, Býkaıo Saka 43, Rahım Sterlıng 45-mınýttarda ózderiniń enshisine jazdy.

Ekinshi kezeńde ırandyq fýtbolshylar esep aıyrmasyn qysqartýǵa umtylǵan edi.

Degenmen dittegen maqsatyna jete alǵan joq. Esesine 62-mınýtta Býkaıo Saka ekinshi golyn soǵyp, basymdyqty arttyrdy. Oıynnyń 62-mınýtynda Mehdı Taremı gol soqty.

Al 71-mınýtta Markýs Rashford, 90-mınýtta Djek Grılısh Anglııa quramasynyń besinshi jáne altynshy golyn soqty. Sońǵy mınýtta Mehdı Taremı penaltıden gol soqty.

Osylaısha Anglııa qarsylasynan 6:2 esebimen basym tústi.

Aıta ketsek, brazılııalyq tóreshi Rafael Klaýs birinshi kezeńge 14, ekinshi kezeńge 10-mınýt qosymsha ýaqyt qosty.

V tobynda taǵy bir kezdesýde búgin AQSh - Ýels oınaıdy. Oıyndy 01:00-de «Qazsport» telearnasynan tamashalaýǵa bolady.

Sondaı-aq, A tobyndaǵy Senegal - Nıderlandy kezdesýi elorda ýaqytymen 22:00-de bastalyp, «Qazsport» telearnasynan tikeleı efırde kórsetiledi.

Eske salsaq, fýtboldan álem chempıonatynyń alǵashqy oıynynda Qatar quramasy Ekvadordan jeńilip qaldy.

Foto: fifa.com