Fýtboldan álem chempıonaty-2022: Krıshtıaný Ronaldý dúbirli dodaǵa besinshi márte qatyspaq

ASTANA. QazAqparat - Portýgalııa quramasy jáne Anglııanyń «Manchester ıÝnaıted» klýbynyń oıynshysy Krıshtıaný Ronaldý fýtboldan álem chempıonaty fınaldyq satysyna besinshi márte qatysady, dep habarlaıdy QazAqparat tilshisi.

Áıgili fýtbolshy Portýgalııa quramasynyń 2022 jylǵy Qatarda ótip jatqan álem chempıonatyna baratyn tizimine engizildi. Osylaısha 37-jastaǵy oıynshynyń óz mansabynda besinshi márte dúbirli dodaǵa qatysýyna múmkindik týyp otyr.

Aıta ketsek, H tobynda synǵa túsetin Portýgalııa 24 qarashada Gana, 28 qarashada Ýrýgvaı, 2 qarashada Ońtústik Koreıa quramalarymen kezdesedi.

Burynǵy jyldarda mundaı múmkindikke meksıkalyq Antonıo Karbahal (1950-1966) men Rafael Markes (2002-2018), germanııalyq Lotar Mateýs (1982-1998) ıe bolǵan edi. Al ıtalıandyq qaqpashy Djaınlýıdjı Býffon bes týrnıge qatysqanmen, onyń tórteýinde ǵana jasyl alańǵa shyqty.

Eske salsaq, budan buryn fýtboldan álem chempıonatyna qaı komanda kóp oıynshy jibergeni habarlandy.

Foto: sportsweek.org