Fýtboldan álem chempıonaty-2022: Qazaqstan quramasynyń qarsylastary teń tústi
NUR-SULTAN. QazAqparat - Fýtboldan 2022 jylǵy álem chempıonatyna irikteý satysynda Qazaqstan synǵa túsetin D tobyndaǵy taǵy bir kezdesý aıaqtaldy, dep habarlaıdy QazAqparat tilshisi.
Atalǵan oıynda Ýkraına men Frantsııa quramalary sheberlik baıqasty.
Eki qurama toptaǵy birinshi orynǵa negizgi úmitkerler qatarynda sanalady. Sondyqtan kezdesý barysynda ekeýi de jeńiske jetý múmkindigin izdedi.
Oıynnyń 44-mınýtynda ýkraınalyq Nıkolaı Shaparenko esep ashqan bolatyn. Ekinshi kezeńniń 50-mınýtynda frantsııalyq quramadan Antonı Marsıal tarazy basyn teńestirdi.
Kezdesýde eki qurama 1:1 esebine qanaǵat bildirdi.
Eske salsaq, Qazaqstan syrt alańda Frantsııaǵa 0:1 esebimen jol berggen edi.
Odan buryn qazaqstandyq qurama óz alańynda Frantsııadan 0:2 esebimen jeńilse, odan keıin syrt alańda Ýkraınamen 1:1 esebimen teń tústi. Úshinshi kezdesýinde óz alańynda Ýkraınamen 2:2 esebimen teń oınady.
Endi 7 qyrkúıekte Qazaqstan syrt alańda Bosnııa jáne Gertsogovınamen kezdesse, Frantsııa óz alańynda Fınlıandııamen jasyl alańǵa shyǵady.
