Fýtboldan álem chempıonaty-2022: Qazaqstan Fınlıandııaǵa qarsy quramyn jarııalady
NUR-SULTAN. QazAqparat - Búgin, 4 qyrkúıekte fýtboldan 2022 jylǵy álem chempıonatyna irikteý satysynda tórtinshi oıynynda Qazaqstan Fınlıandııaǵa qarsy quramyn jarııalady, dep habarlaıdy QazAqparat tilshisi.
Oıyn elorda ýaqytymen 19:00-de bastalyp, «Qazsport» telearnasynan tikeleı efırde kórsetiledi.
Ulttyq quramanyń bas bapkeri alǵashqy mınýttan kóptegen jańa oıynshylarǵa senim bildirdi. Atalǵan tizimge qaqpashy Igor Shatskıı, oıynshylar - Nuráli Álip, Temirlan Erlanov, Aleksandr Marochkın, Maqsat Taıkenov, Ramazan Orazov, Erkin Tapalov, Roman Vorogovskıı, Georgıı Jýkov, Abat Aımbetov, Aıdos Táttibaev ilikken.
Aıta keteıik, qazaqstandyq qurama irikteý satysynda D tobynda synǵa túsedi. Qarsylastary - Frantsııa, Ýkraına, Bosnııa jáne Gertsogovına, Fınlıandııa.
Qazirge deıin ulttyq qurama úsh oıyn ótkizdi. Alǵashqysynda óz alańynda Frantsııadan 0:2 esebimen jeńilse, odan keıin syrt alańda Ýkraınamen 1:1 esebimen teń tústi. Odan óz alańynda Ýkraınamen 2:2 esebimen teń oınady.
Qazaqstan úsh oıynnan keıin 2 upaımen besinshi orynda tur. Kósh basynda tórt oıynnan keıin 8 upaı jınaǵan Frantsııa keledi.
