Fýtboldan álem chempıonaty-2022: Qazaqstan Fınlıandııadan jeńilip qaldy
NUR-SULTAN. QazAqparat - Fýtboldan 2022 jylǵy álem chempıonatyna irikteý satysyndaǵy tórtinshi oıynda Qazaqstan men Fınlıandııa kezdesýi aıaqtaldy, dep habarlaıdy QazAqparat tilshisi.
Buǵan deıin quramalar úsh márte kezdesti. Onyń bireýinde teń nátıje tirkelse, qalǵan ekeýinde qazaqstandyq fýtbolshylar qarsylastaryna ese jiberdi.
Búgin Fınlıandııa jyldam gol soǵýǵa tyrysty. Degenmen qazaqstandyq qurama laıyqty toıtarys berdi. Keıbir sátterde olar da shabýyl shebine shyǵyp, gol soǵatyn múmkindikterdi izdedi. Dese de tablodaǵy esepke ózgerig engen joq.
Ekinshi kezeńde quramalar bir-biriniń qaqpasynan sańylaý izdedi. Nátıjesinde fınlıandııalyq Ioel Pohıanpalo 60-mınýtta áýelete kelgen dopty Qazaqstan quramasy qaqpasyna baspen soǵyp ketti.
Kezdesýde Qazaqstan atalǵan qarsylasyna 0:1 esebimen jol berdi.
Aıta keteıik, qazaqstandyq qurama irikteý satysynda D tobynda synǵa túsedi. Qarsylastary - Frantsııa, Ýkraına, Bosnııa jáne Gertsogovına, Fınlıandııa.
Sondaı-aq, búgin atalǵan topta Ýkraına men Frantsııa quramasy sheberlik baıqasady.
Endi Qazaqstan quramasy 7 qyrkúıekte syrt alańda Bosnııa jáne Gertsogovınamen kezdesedi.
Qazirge deıin ulttyq qurama úsh oıyn ótkizdi. Alǵashqysynda óz alańynda Frantsııadan 0:2 esebimen jeńilse, odan keıin syrt alańda Ýkraınamen 1:1 esebimen teń tústi. Odan óz alańynda Ýkraınamen 2:2 esebimen teń oınady.
