Fýtboldan álem chempıonaty-2022: Frantsııa irikteý kezeńin teń oıynmen bastady
NUR-CULTAN. QazAqparat - 24 naýryzda 2022 jylǵy álem chempıonatyna Eýropa qurlyǵy boıynsha irikteý satysy bastaldy, dep habarlaıdy QazAqparat tilshisi.
Qazaqstan quramasy synǵa túsetin D tobynda eki kezdesý ótti. Óz alańynda Frantsııa Ýkraınany qabyldasa, Fınlıandııa Bosnııa jáne Gertsogovınamen kúsh synasty .
Jankúıerler nazary negizinen Frantsııa men Ýkraına quramalary arasyndaǵy oıynǵa aýǵany aıdan anyq. Álemniń kóptegen juldyzdary jınalǵan frantsýzdar óz tobynda ýkraındyqtardy basty qarsylasy sanaıtynyn aıtyp ótti. Sondyqtan negizgi quramda tájirıbeli fýtbolshylardy jasyl alańǵa shyǵardy.
Esepti alǵash bolyp alań ıeleri ashty. Frantsýz shabýylshysy Antýan Grızmann 19-mınýtta mergendigimen kózge tústi. Al 57-mınýtta frantsııalyq qorǵaýshy Presnel Kımpembe óz qaqpasyna gol soǵyp aldy. Osylaısha kezdesý 1:1 esebimen teń aıaqtaldy.
Atalǵan toptaǵy Fınlıandııa Bosnııa jáne Gertsogovınamen 2:2 esebimen teń tústi.
Endi ekinshi týr oıyndary 28 naýryz kúni bolady. Bul kúni óz alańynda Qazaqstan Frantsııany qabyldasa, Ýkraına Fınlıandııamen sheberlik baıqasady