Fýtboldan álem chempıonaty-2022: Búgingi oıynda Qazaqstan quramynda kimder shyǵady
NUR-SULTAN. QazAqparat - Búgin fýtboldan 2022 jylǵy álem chempıonatyna irikteý satysynda tórtinshi oıynynda Qazaqstan Bosnııa jáne Gertsogovınaǵa qarsy quramyn jarııalady, dep habarlaıdy QazAqparat tilshisi.
Bul jóninde Qazaqstan fýtbol federatsııasynyń baspasóz qyzmeti habarlady.
Qos qurama arasyndaǵy kezdesýdi Qazaqstan jáne Qazsport telearnalary elorda ýaqytymen 00:35-te tikeleı efırde kórsetedi.
Ulttyq quramanyń bapkeri Talǵat Baısýfınov alǵashqy mınýttan qaqpashy: Igor Shatskıı, qorǵaýshylar - ıÝrıı Logvınenko, Sergeı Malyı, Aleksandr Marochkın, Marat Bystrov, Roman Vorogovskıı, jartylaı qorǵaýshylar - Ashat Taǵybergen, Islambek Qýat, Georgıı Jýkov, Vladıslav Vasılev. shabýylshy Artýr Shýshenachevqa senim artty.
Aıta ketsek, buǵan deıin eki qurama birde-bir márte kezdesken joq. Búgin tuńǵysh márte sheberlik baıqasady.
Qazaqstandyq qurama irikteý satysynda D tobynda synǵa túsedi. Qarsylastary - Frantsııa, Ýkraına, Bosnııa jáne Gertsogovına, Fınlıandııa.
Sondaı-aq, búgin atalǵan topta Frantsııa men Fınlıandııa quramalary oınaıdy.
Bul topta bes oıynnan keıin 8 upaı jınaǵan Frantsııa kósh basynda keledi. Qazaqstan, Bosnııa jáne Gertsogovına quramalary tórt oıynnan keıin 2 upaımen besinshi orynda tur.
