Fýtboldan álem chempıonatynyń ashylý matchynda tóreshi alǵash ret úsh qyzyl qaǵaz kórsetti
ASTANA. KAZINFORM — Mehıkodaǵy Atsteka arenasynda Meksıka quramasy men OAR komandasynyń kezdesýinde tóreshi úsh qyzyl qaǵaz kórsetti, habarlaıdy Report.
Kezdesýdiń 49-mınýtynda bas tóreshi, brazılııalyq Vılton Sampaıo meksıkalyq Brıan Gýterreske qarsy sońǵy úmit erejesin buzǵany úshin OAR jartylaı qorǵaýshysy Sfıfelo Sıthoýlýǵa qyzyl qaǵaz kórsetti. Keıin VAR kómegimen beıneqaıtalymdy qarap shyqqan tóreshi dóreki oıyny úshin OAR quramasynyń taǵy bir oıynshysy Temba Zvaneni de alańnan qýdy.
Al matchtyń 90+2-mınýtynda gol soǵýdyń aıqyn múmkindigin boldyrmaǵany úshin Meksıka quramasynyń kapıtany Sesar Montes qyzyl qaǵaz aldy.
Buǵan deıin álem chempıonatynyń ashylý matchynda eń kóp degende eki oıynshy alańnan qýylǵan bolatyn. Mundaı jaǵdaı 1990 jyly Italııada ótken álem chempıonatynyń Argentına men Kamerýn quramalary arasyndaǵy alǵashqy oıynynda tirkelgen edi. Ol kezdesýde kamerýndyq qorǵaýshy Andre Kana-Bııık tikeleı qyzyl qaǵaz alsa, onyń otandasy Benjamen Massıng eki sary qaǵazdan keıin alańnan ketken.
Aıta keteıik, ótken túni fýtboldan 23-shi álem chempıonatynyń ashylý saltanaty bastaldy.
