Fýtboldan álem chempıonaty: Qazaqstan quramasynyń irikteý kezeńindegi qarsylastary anyqtaldy

ASTANA. KAZINFORM - Fýtboldan Qazaqstan quramasynyń 2026 jylǵy álem chempıonaty irikteý kezeńindegi qarsylastary anyqtaldy.

Barlyq qurama 12 topqa 4 nemese 5 komandaǵa bólinedi. Tórt quramadan turatyn alǵashqy alty top (A-F) irikteý týrnırin 2025 jyldyń qyrkúıeginde bastasa, qalǵan 5 quramadan turatyn 6 top (G-L) 2025 jyldyń naýryzynda bastaıdy. 

Top jeńimpazy álem chempıonatyna tikeleı joldama alsa, ekinshi oryn ıegeri ótpeli match oınaıdy.

El quramasy 2026 jylǵy Álem chempıonatyna irikteý kezeńinde J tobynda oıyn kórsetedi. Qarsylastary - Belgmıa, Ýels, Soltústik Makedonııa jáne Lıhtenshteın.

Matchtar 2025 jyldyń naýryzynda bastalyp, qarasha aıynda aıaqtalady.

A toby: Germanııa nemese Italııa (Ulttar lıgasy pleı-off satysyndaǵy jeńimpaz), Slovakııa, Soltústik Irlandııa, Lıýksembýrg.

B toby: Shveıtsarııa, Shvetsııa, Slovenııa, Kosovo.

C toby: Portýgalııa nemese Danııa (jeńilgen qurama), Grekııa, Shotlandııa, Belarýs.

D toby: Frantsııa nemese Horvatııa (jeńimpaz), Ýkraına, Islandııa, Ázerbaıjan.

E toby: Ispanııa nemese Nıderland (jeńimpaz), Túrkııa, Grýzııa, Bolgarııa.

F toby: Portýgalııa nemese Danııa (jeńimpaz), Vengrııa, Irlandııa, Armenııa.

G toby: Ispanııa nemese Nıderland (jeńilgeni), Polsha, Fınlıandııa, Lıtva, Malta.

H toby: Aýstrııa, Rýmynııa, Bosnııa jáne Gertsegovına, Kıpr, San-Marıno.

I toby: Germanııa nemese Italııa (jeńilgeni), Norvegııa, Izraıl, Estonııa, Moldavııa.

K toby: Anglııa, Serbııa, Albanııa, Latvııa, Andorra.

L toby: Frantsııa nemese Horvatııa (jeńilgeni), Chehııa, Chernogorııa, Farer araldary, Gıbraltar.

Álem chempıonatynyń fınaldyq kezeńi 2026 jyldyń 11 maýsymy men 19 shildesi aralyǵynda AQSh-tyń Atlanta, Boston, Dallas, Hıýston, Kanzas-Sıtı, Los-Andjeles, Maıamı, Nıý-Iork, Fıladelfııa, San-Frantsısko, Sıetl, Kanadannyń Toronto, Vankýver jáne Meksıkanyń Gvadalahara, Mehıko, Monterreı qalalarynda ótedi. Alǵash ret dúbirli dodada 48 qurama baq synaıdy.