Fýtboldan álem chempıonaty fınalynyń bıletteri qansha turady
ASTANA. KAZINFORM — 2026 jylǵy álem chempıonatynyń fınalyna bıletter AQSh-taǵy sporttyq is-sharalar tarıhyndaǵy eń qymbat bıletke aınalýy múmkin dep habarlaıdy Yahoo Sports.
Ispanııa — Argentına matchy jeksenbi, 19 shildede Nıý-Djersıdegi MetLife stadıonynda ótedi.
TickPick onlaın platformasynyń málimetine qaraǵanda, match bıletteriniń ortasha baǵasy — 11 327 dollar, bul — ortasha satyp alý baǵasy boıynsha tarıhtaǵy eń qymbat bılet.
Aldyńǵy eń joǵary kórsetkish 2024 jylǵy Sýperkýbokta tirkelgen edi, ol kezde San Francisco 49ers» — «Kansas City Chiefs» matchyna ortasha bılet baǵasy 9 411 dollar bolǵan.
2026 jylǵy álem chempıonatynyń fınalyna eń arzan bılet 7 451 dollardan bastalady.
TickPick platformasynda tirkelgen eń qymbat satyp alý – 115A sektoryndaǵy 21-qatardan alynǵan eki bılet. Ár bılet 28 479 AQSh dollaryna satylǵan.
USA Today basylymynyń málimetinshe, Anglııa 1966 jyldan bergi alǵashqy fınalyna shyqqanda nemese AQSh alǵashqy fınalyn óz alańynda ótkizgende baǵalar budan joǵaryraq bolýy múmkin edi.
Eske salaıyq, buǵan deıin fýtboldan álem chempıonatynyń kýbogy Nıý-Iork pen Nıý-Djersı stadıonyna arnaıy jasalǵan Louis Vuitton chemodanynda jetkiziletinin habarlaǵanbyz.
