Fýtboldan álem birinshiligine irikteý bastalady
ASTANA. KAZINFORM — Erteń tún aýa fýtboldan Qazaqstan ulttyq quramasy Álem birinshiligine irikteý kezeńin bastaıdy. Bul týraly Jibek Joly telearnasynyń jańalyqtarynda aıtyldy.

Alǵashqy qarsylas – azýly Ýels komandasy. Bizdiń jigitter match ótetin Kardıff qalasyna jetti. Jýyq arada jattyǵýǵa kirisedi.
22 naýryz jyl basy. Erteń Qazaqstan ulttyq quramasy úshin de jańa kezeń bastalǵaly tur. Bas bapker Álıev Álıev jasaqtaǵan komandanyń jańalyǵy kóp. Atap aıtqanda, jýyrda Londonnyń Chelsıine aýysqan on alty jastaǵy shabýylshy Dastan Sátpaev ulttyq quramaǵa shaqyrtý aldy. Araǵa úsh jyl salyp Polshanyń «Pýşasynda» oınaıtyn Georgıı Jýkov ta bas komandaǵa oraldy. Ózge legıonerlerge keletin bolsaq, bizdiń jigitterdiń qataryna Danııadan Ramazan Orazov, Slovakııadan Ǵalymjan Kenjebek, Túrkııadan Abat Aıymbetov, Reseıden Maksım Samorodov qosyldy. Álı Álıev áttegen-aı deıtin tustar da bar. Nuraly Áliptiń byltyr alǵan jaraqaty áli mazalaıtyn kórinedi. Al Bahtıer Zaınýtdınov Túrkııadaǵy oqý-jattyǵýǵa ushyp kelgenimen, densaýlyǵyna baılanysty aldaǵy oıynda jasyl alańǵa shyǵa almaıdy.
Ýels týraly az-kem aqparat. Komanda FIFA reıtinginde 29-shy orynda tur. Negizgi fýtbolshylary Tottenhem, Fýlhem, Bornmýt syndy Anglııanyń myqty klýbtarynda oınaıdy. Kreıg Bellamı jattyqtyratyn jigitter keıingi alty matchta jeńilmeı, ulttar lıgasynda bir dıvızıon joǵarylady.
Eske salaıyq, Qazaqstan ulttyq quramasy Ýelsten bólek Belgııa, Lıhtenshteın, Soltústik Makedonııamen birge J tobyna túsken edi. Bul bestiktiń jeńimpazy Álem chempıonatyna tikeleı joldama alady. Al Qazaqstan fýtbolshylary Kardıftegi alǵashqy jattyǵýdy jergilikti ýaqyt boıynsha saǵat keshki 19:00-de ótkizedi.
Aıta ketelik Frıstaıl-mogýldan Ulttyq qurama sportshysy Anastasııa Gorodko Sankt-Morıts qalasynda (Shveıtsarııa) ótip jatqan frıstaıldan álem chempıonatynda úzdik úshtikti túıindegen edi.