Fýtboldan ÁCh: Shırek fınalǵa segizinshi joldama kimge buıyrady

ASTANA. QazAqparat - Qatarda ótip jatqan fýtboldan 2022 jylǵy álem chempıonatynda búgin 1/8 fınalyn Portýgalııa jáne Shveıtsarııa quramalary túıindeıdi, dep habarlaıdy QazAqparat tilshisi.

Kezdesý elorda ýaqytymen 1.00-de bastalyp, «Qazaqstan» jáne «Qazsport» telearnalarynan tikeleı efırde kórsetiledi.

Oıyn Lýsaıl qalasyndaǵy 88966 jankúıerge arnalǵan «Lýsaıl Aıkonık» stadıonynda ótkiziledi. Bas tóreshi - meksıkalyq Sesar Artýro Ramos. oǵan otandastary Alberto Morın Mendes pen Mıgel Anhel Ernandes Paredes kómekshilik jasaıdy. Qosalqy tóreshi - Ishtvan Kovach.

Eki qurama óziniń tarıhynda 25 márte kezdesti. Nátıjesinde 8-i Portýgalııa, 11-i Shveıtsarııanyń jeńisimen aıaqtalsa, qalǵanynda teń nátıje tirkeldi.

Toptyq kezeńde Portýgalııa H tobynda oıyn kórsetti. Ganany 3:2, Ýrýgvaıdy 2:0 esebimen jeńip, Ońtústik Koreıaǵa 1:2 esebimen jol berdi.

Al, Shveıtsarııa G tobynda Kamerýndy 1:0, Serbııany 1:0 esebimen jeńip, Brazılııaǵa 0:1 esebimen ese jiberdi.

Sondaı-aq, 6 jeltoqsanda elorda ýaqytymen 21.00-de Marokko men Ispanııa kezdesýi «Qazaqstan» men «Qazsport» telearnalarynan kórsetiledi.

Eske salsaq, budan buryn shırek fınalǵa altynshy joldama Brazılııaǵa buıyrdy.

Sondaı-aq penaltı serııasynda Japonııany jeńgen Horvatııa shırek fınalǵa shyqty.

Foto: Getty Images